وفاقی آئینی عدالت میں ارشد شریف قتل کیس سماعت کیلئے مقرر
اسلام آباد(بولونیوز)وفاقی آئینی عدالت نے صحافی ارشد شریف قتل کیس کو سماعت کے لیے مقرر کر دیا ہے۔
جسٹس عامر فاروق اور جسٹس روزی خان پر مشتمل دو رکنی بینچ 3 دسمبر کو کیس کی سماعت کرے گا۔
یاد رہے کہ سپریم کورٹ نے ارشد شریف کے قتل پر ازخود نوٹس لیا تھا، تاہم 27 ویں آئینی ترمیم کے بعد تمام ازخود نوٹس کیسز وفاقی آئینی عدالت کو منتقل کر دیے گئے ہیں۔
ارشد شریف کو 23 اکتوبر 2022 کو کینیا کے شہر نیروبی میں مگاڈی ہائی وے پر پولیس نے سر میں گولی مار کر قتل کیا تھا۔ بعد ازاں کینین پولیس نے واقعے کو غلط شناخت کا معاملہ قرار دیا، تاہم تحقیقات کے دوران ان کے مؤقف میں کئی تضادات سامنے آئے، جس کے باعث معاملہ مزید پیچیدہ ہوگیا۔
