مین ہول میں گرکرجاں بحق ہونےوالا ابراہیم،بچے کی لاش نکالنے والے خاکروب کوپولیس کے تھپڑ
کراچی(بولونیوز)کراچی کے علاقے نیپا چورنگی پر کھلے مین ہول میں گر کر جاں بحق ہونے والے تین سالہ بچے ابراہیم کی لاش نکالنے والے خاکروب نے الزام عائد کیا ہے کہ پولیس اہلکاروں نے اسے تشدد کا نشانہ بنایا۔نجی ٹی وی کو انٹرویودیتے ہوئے خاکروب نے بتایا کہ
“میں نے بچے کی لاش نکال کر انکل کو دی، پولیس اہلکاروں نے پوچھا تم کون ہو؟
جب میں نے بتایا کہ میں نے ہی لاش نکالی ہے تو وہ مجھے تھپڑ مارنے لگ گئے۔”
واقعے کے بعد علاقے میں خوف و غم کی فضا برقرار ہے۔
علاقہ کونسلر کبیر نے بھی اس کی تصدیق کرتے ہوئے کہا کہ:
بچے نے خود لاش ڈھونڈ کر سوزوکی میں ڈلوائی
لاش بعد ازاں اہل خانہ کے حوالے کی گئی
کل رات سے واٹر بورڈ کے ریسکیو ادارے موقع پر موجود تھے، “مگر انہیں گٹر لائن کا ہی علم نہیں تھا”
شہریوں نے کھلے مین ہولز کے باعث قیمتی جانوں کے ضیاع پر شدید غم و غصے کا اظہار کرتے ہوئے متعلقہ اداروں سے مؤثر اقدامات کی اپیل کی ہے۔
