ڈکی بھائی اور عروب جتوئی عدالت میں پیش، ملزم سبحان کی بریت کی درخواست خارج
لاہور(بولونیوز)ضلع کچہری لاہور میں جوا ایپس کی غیر قانونی پروموشن کے مقدمے میں یوٹیوبر سعد الرحمان عرف ڈکی بھائی اور ان کی اہلیہ عروب جتوئی عدالت میں پیش ہوئے۔ جج نعیم وٹو نے ملزم سبحان کی بریت کی درخواست خارج کر دی اور سماعت 17 دسمبر تک ملتوی کر دی۔
ڈکی بھائی نے عدالت میں کہا کہ سبحان ان کا ملازم ہے اور اس کا مقدمے سے کوئی تعلق نہیں۔ عدالت نے عروب جتوئی کی ضمانت کی تصدیق کی، جبکہ ڈکی بھائی کے وکیل نے ضبط شدہ الیکٹرانک ڈیوائسز اور رقم کی واپسی کی درخواست کی۔ ڈکی بھائی دو روز قبل ضمانت پر رہا ہوئے ہیں اور ان کے خلاف این سی سی آئی اے مقدمہ درج ہے۔
