لاہور کی 2 مزید اہم شاہراہوں پر موٹرسائیکل رکشے پر پابندی
لاہور(بولونیوز) ٹریفک پولیس نے کینال روڈ اور فیروز پور روڈ پر موٹرسائیکل رکشوں کے داخلے پر مکمل پابندی عائد کردی ہے۔
اس اقدام کے بعد اب شہر کی مرکزی شاہراہوں میں مال روڈ، جیل روڈ، مین بلیوارڈ، کینال روڈ اور فیروز پور روڈ پر موٹرسائیکل رکشے چلانے پر پابندی ہوگی۔
ٹریفک حکام کا کہنا ہے کہ یہ فیصلہ ٹریفک کے بہاؤ کو بہتر بنانے اور حادثات کو کم کرنے کے لیے کیا گیا ہے۔ انہوں نے عوام سے اپیل کی ہے کہ وہ متبادل روٹس استعمال کریں اور ٹریفف قوانین کی پابندی کریں۔
یہ قدم شہر میں ٹریفف کی بہتری کے حوالے سے اٹھائے گئے حالیہ اقدامات کا تسلسل قرار دیا جا رہا ہے۔
