سیف سٹی پراجیکٹ کے تحت نارتھ ناظم آباد،کٹی پہاڑی میں نئے سی سی ٹی وی نصب
کراچی(بولونیوز) سیف سٹی پراجیکٹ کے تحت ایڈیشنل انسپکٹر جنرل جاوید عالم اوڈھو نے نارتھ ناظم آباد اور قصبہ کالونی میں کٹی پہاڑی کے مقام پر نئے نصب سی سی ٹی وی کیمروں کا افتتاح کیا۔ ایس ایس پی سینٹرل ذیشان شفیق صدیقی نے اس موقع پر بتایا کہ یہ جدید سی سی ٹی وی کیمرے کٹی پہاڑی اور اس کے اطراف کی جامع نگرانی کریں گے، جس سے علاقے میں عوام کی حفاظت کو یقینی بنانے اور جرائم کی روک تھام کو بہتر بنانے میں مدد ملے گی۔ پولیس کے مطابق، یہ کیمرے نارتھ ناظم آباد کے مختلف بلاکس کی ریئل ٹائم نگرانی کو ممکن بنائیں گے اور اسٹریٹ کرائمز پر قابو پانے کے لیے اہم ثابت ہوں گے۔
