لاہور: سابق ایڈیشنل ایڈوکیٹ جنرل اور ایس ایس پہ مفخر عدیل پراسرار طور پر اغوا

لاہور (ایچ آراین ڈبلیو) گلبرگ سے 2 اہم شخصیات کے اغوا نے پولیس کی دوڑیں لگوا دی ہیں، پولیس نے ابتدائی طور پر مقدمہ درج کر لیا ہے- تفصیلات کے مطابق سابق ایڈیشنل ایڈووکیٹ جنرل شہباز احمد کو لاہور کے علاقے گلبرگ سے اغوا کرلیا گیا جبکہ ایس ایس پی مفخر عدیل گزشتہ رات سے لاپتا ہیں۔ خیال ہے کہ سابق ایڈیشنل ایڈووکیٹ جنرل شہباز احمد کو اغوا کرلیا گیا، شہباز احمد کے اغوا کا مقدمہ بھائی کی مدعیت میں تھانہ نصیرآباد میں درج کرلیا گیا۔ شہباز احمد کے بھائی سجاد احمد کا کہنا ہے کہ میرے بھائی دفتر سے لاپتا ہوئے ہیں، پولیس کا کہنا ہے کہ مقدمہ اغوا کی دفعات کے تحت درج کرلیا گیا ہے۔دوسری جانب گزشتہ رات سے ایس ایس پی مفخر عدیل بھی جوہر ٹاؤن کے علاقے سے لاپتا ہیں، اہلخانہ نے ایس ایس پی کی گمشدگی پر اغوا کا خدشہ ظاہر کیا ہے، پولیس کا کہنا ہے کہ ایس ایس پی مفخر عدیل کا موبائل گزشتہ رات سے بند ہے۔پولیس کا کہنا ہے کہ ایس ایس پی گزشتہ رات سرکاری گاڑی پر گھر سے نکلے تھے، ان کے اہلخانہ نے تھانہ جوہر ٹاؤن میں مقدمے کی درخواست دے دی ہے۔ ڈی آئی جی آپریشنز رائے بابر سعید کا کہنا ہے کہ ایس ایس پی مفخر عدیل کے لاپتا ہونے کی اطلاع موصول ہوئی ہے، پولیس نے تحقیقات کا آغاز کردیا ہے۔

اپنا تبصرہ بھیجیں