کشمیر ہاتھ سے نکل گیا، وادی پر بھارت کا کنٹرول ختم

ممبئی(بولونیوز)بی جے پی رہنما یشونت سنہا کا کہنا ہے کہ کشمیر بھارت کے ہاتھ سے نکل چکا ہے، بھارتی فوج صرف کشمیریوں کو مار ر ہی ہے، کشمیری بھارت سے شدید نفرت کرتے ہیں۔تفصیلات کے مطابق سابق بھارتی وزیر خارجہ یشونت سنہا نے کہا بھارت نے کشمیر کو کھو دیا ہے، بھارتی فوج صرف اپنی طاقت کی وجہ سے زبردستی وہاں قابض ہے، ہم کشمیر کو کھو نہیں رہے بلکہ کھو چکے ہیں۔ انہوں نے کہا بھارت مسائل کو حل کرنے کے لیے صرف فوج پر یقین کر رہا ہے، کوئی اتفاق رائے نہیں، نہ جمہوریت ہے اور نہ ہی انسانیت، لیکن سراسر ظالمانہ طریقہ استعمال کیا جا رہا ہےکہ فوج جتنے کشمیری مار سکتی ہے مار دے۔ایک نجی ٹی وی کی رپورٹ کے مطابق یشونت سنہا کا کہنا تھا کہ کشمیریوں کے دل میں بھارت کے لیے نفرت نیپالیوں سے بھی کئی گنا زیادہ ہے۔ انہوں نے کہا بھارت نے کشمیریوں سے اپنے تعلقات کو تباہ کرلیا ہے، صرف اٹل بہاری واجپائی کشمیر میں فوج کی بجائے انسانیت کی پالیسی کو مانتے تھے۔

اپنا تبصرہ بھیجیں