سردار گوپال سنگھ،ہونے والی تنقید کوبھارتی میڈیا کی تنگ نظری قراردے دیا

نئی دہلی(بولونیوز)پنجابی سکھ سنگت کے چیرمین سردارگوپال سنگھ نے اپنے اوپرہونے والی تنقید کو بھارت اور بھارتی میڈیا کی تنگ نظری قرار دیتے ہوئے کہا آرمی چیف پاکستان کے سپہ سالار ہیں ان سے مصافحہ کرنا قابل فخر ہے، کل بھی کہتا تھا آج بھی کہتا ہوں-تفصیلات کے مطابق پنجابی سکھ سنگت کے چیرمین سردار گوپال سنگھ نے کہا کہا مجھ پرہونے والی تنقید بھارت اور بھارتی میڈیا کی تنگ نظری ہے، آرمی چیف پاکستان کے سپہ سالارہیں ان سے مصافحہ کرنا قابل فخر ہے،سدھو پاکستان کا مہمان تھا اس لئے اس کے ساتھ تصویر بنوائی۔گوپال سنگھ کا کہنا تھا کہ وہ عمران خان کے شکرگزار ہیں، کل بھی کہتاتھا آج بھی کہتاہوں’پاکستان زندہ باد۔یاد رہے اس سے قبل بھارتی میڈیا کی جانب سے سکھ رہنما کی آرمی چیف جنرل قمرجاوید باجوہ سے ملاقات کوغلط رنگ دیے جانے پرگوپال چاؤلہ نے کہا تھا کہ کرتار پور راہ داری کے سلسلے میں پروگرام ہم نے ہی منعقد کیا تھا۔ایک نجی ٹی وی کی رپورٹ کے مطابق سردار گوپال سنگھ چاؤلہ کا کہنا تھا ’میں نے جنرل باجوہ سے ہاتھ ملایا، پاکستانی آرمی چیف ہمارے دلوں میں رہتے ہیں، آرمی چیف سے ملنے کو اپنی خوش قسمتی سمجھتا ہوں۔سکھ رہنما نے بھارتی میڈیا سے کہا تھا کہ پاکستان کے آرمی چیف ہم سے ہاتھ ملاتے ہیں تو اسے اپنے لیے فخر سمجھتے ہیں، آرمی چیف تو محبتیں چاہتے ہیں، عمران خان اور سدھو صاحب کی بات کریں، منفی باتیں نہ کریں۔واضح رہے کہ پاکستان کی جانب سے امن کا ہاتھ بڑھانا حسبِ معمول بھارتی میڈیا کے مزاج پر بے حد گراں گزرا، بھارتی میڈیا نے کرتار پور راہ داری کھولنے کو سفارتی دہشت گردی کا نام دیا اور سکھ رہنما گوپال چاؤلہ کی آرمی چیف کے ساتھ تصویر کو پسِ منظر سے کاٹ کر غلط رنگ دے دیا۔خیال رہے کہ آج وزیرِ اعظم عمران خان نے کرتارپور کوریڈور کا سنگ بنیاد رکھ کر تاریخ رقم کر دی، کرتارپور راہ داری کے ذریعے بھارتی سکھ بغیر ویزے کرتارپور صاحب کے درشن کے لیے آ سکیں گے۔

اپنا تبصرہ بھیجیں