شاہ رخ کی سالگرہ تقریب میں پولیس کی مداخلت، مزا کرکرا کر دیا

ممبئی(بولونیوز) ممبئی پولیس نے بالی وڈ کنگ شاہ رخ خان کی سالگرہ کی تقریب بند کروا کر مزا ہی کرکرا کر دیا۔تفصیلات کے مطابق بالی وڈ کنگ شاہ رخ خان گزشتہ روز اپنی 53 ویں سالگرہ ممبئی کے ایک مشہور ریسٹورنٹ میں اہل خانہ اور بالی وڈ ستاروں کے ہمراہ منا رہے تھے لیکن تقریب کا مزا اس وقت کرکرا ہو گیا جب ممبئی پولیس وہاں پہنچی اور رات زیادہ ہونے پر تقریب ختم کرا دی۔ایک نجی ٹی وی کی رپورٹ کے مطابق عام طور پر ریسٹورنٹ رات دیر تک نہیں کھلے ہوتے اور ایک بجے تک بند ہو جاتے ہیں لیکن شاہ رخ کی سالگرہ کی تقریب رات 3 بجے تک جاری رہی جبکہ اس میں بلند آواز سے گانے بجائے جارہے تھے۔ ممبئی پولیس نے اس عمل میں دخل اندازی کرتے ہوئے مالکان سے کہا وہ تقریب بند کر دیں جسکے بعد شاہ رخ خان دیگر کے ہمراہ ریسٹورنٹ سے باہر آ گئے۔

اپنا تبصرہ بھیجیں