لاہور میں موبائل سروس بند رکھنے کیلئے وزارت داخلہ کو مراسلہ

لاہو(بولونیوز)نوازشریف،مریم نوازکی لاہورمیں آمد کے پیش نظرپنجاب بھرمیں سکیورٹی سخت کردی گئی،شہرمیں موبائل سروس خصوص مقامات یا راستوں پر بند کرنے کے لئے وزارت داخلہ کو خط لکھ دیا گیا۔تفصیلات کے مطابق سیکیورٹی حکام نے موبائل سروس بند رکھنے کیلئے وزارت داخلہ کو مراسلہ لکھ دیا۔ مراسلے میں کہا گیا ہے کہ لاہور کے مختلف علاقوں میں موبائل فون سروس دوپہر تین بجے سے شام 11 بجے تک بند رکھی جائے۔ موبائل فون سروس بند ہونے سے رابطوں میں دقت کا سامنا رہے گا، راستوں کی بندش بھی اہل شہر کے لیے مشکلات کا باعث بن رہی ہے، حالات کے پیش نظر شہر کی سڑکوں پر ٹریفک معمول سے کہیں کم ہے۔ایک نجی ٹی وی کی رپورٹ کے مطابق چیف سیکرٹری اکبر درانی کے مطابق، سینئر سیاسی راہنماوں کیلئے سیکیورٹی انتظامات فول پروف بنانے کا فیصلہ کیا ہے، ن لیگی سینئر راہنماؤں کیلئے سکیورٹی خدشات کی خفیہ اطلاعات ہیں۔