کیپٹن صفدرکی بیٹی باپ سے ملاقات کرنے اڈیالہ جیل پہنچ گئی

راولپنڈی(بولو نیوز) کیپٹن (ر) صفدر کی بیٹی اڈیالہ جیل پہنچ گئی، اڈیالہ جیل میں کیپٹن (ر) صفدر سے انکی بیٹی نے ملاقات کی۔ اس موقع پر جیل میں سکیورٹی کے سخت انتظامات کئے گئے۔تفصیلات کے مطابق احتساب عدالت نے ایون فیلڈ ریفرنس میں سابق وزیرِاعظم نواز شریف کو 10 سال قید، ایک ارب 29 کروڑ روپے جرمانہ، مریم نواز کو 7 سال قید، 32 کروڑ روپے جرمانہ، شریف فیملی کے ایون فیلڈ اپارٹمنٹس بحقِ سرکار ضبط کرنے کا حکم اور کیپٹن ریٹائرڈ صفدر کو بھی ایک سال قید بامشقت کی سزا سنائی تھی۔ایک نجی ٹی وی کی رپورٹ کے مطابق جج احتساب عدالت محمد بشیر کے عدالتی حکم میں جھوٹی دستاویزات جمع کرانے پر مریم نواز کو مزید ایک سال قید بھی سنائی گئی۔ عدالت نے کیس کے شریک ملزموں حسین اور حسن نواز کے دائمی وارنٹ گرفتاری بھی جاری کئے۔ عدالتی آرڈر میں کہا گیا کہ تمام مجرمان کو اپیل میں جانے سے پہلے سرنڈر کرنا ہو گا۔