بھکاریوں کیخلاف پولیس آپریشن،نومرلڑکا گاڑی کے نیچے آ گیا

اسلام آباد(بولونیوز)15سالہ فلک شیرفیصل چوک پرکلربکس فروخت کررہا تھا، پولیس ٹیم کودیکھ کربھاگا توتیزرفتارگاڑی کے نیچے آ گیا۔تفصیلات کے مطابق اسلام آباد میں بھکاریوں کیخلاف پولیس کے آپریشن سے ڈرکربھاگنے والا 15 سالہ لڑکا تیزرفتارگاڑی کے نیچے آ کر جاں بحق ہوگیا ہے۔ متوفی کا نام فلک شیربتایا جا رہا ہے جو فیصل چوک پرکلربکس فروخت کر رہا تھا کہ اچانک پولیس ٹیم کو دیکھ کر بھاگا توتیزرفتارگاڑی کے نیچے آ گیا۔ایک نجی ٹی وی کی رپورٹ کے مطابق پولیس نے گاڑی ڈرائیورحبیب ظفرکوگرفتار کیا لیکن جلد ہی ضمانت پررہا کردیا۔ فلک شیرکے ورثا نے ضیا مسجد نیوشکریال پراحتجاج کرتے ہوئے ایکسپریس وے کو بلاک کردیا جس سے گاڑیوں کی لمبی قطاریں لگ گئیں اورٹریفک بلاک ہوگئی۔ ورثا نے انصاف کے لئے چیف جسٹس سے نوٹس لینے کی درخواست کی ہے۔ فلک شیر کے والد کا کہنا ہے کہ اگر انصاف نہ ملا تو بچوں سمیت سپریم کورٹ کے سامنے خود کشی کرے گا۔ایک نجی ٹی وی کی رپورٹ کے مطابق بتایا جا رہا ہے کہ فلک شیر مدرسے میں قرآن حفظ کر رہا تھا اور گزر بسر کیلئے کلر بکس بیچتا تھا۔ فلک شیر10 بہن بھائیوں میں سے بڑا تھا۔