پانی کی قلت،لوڈشیڈنگ،کیخلاف پیپلزپارٹی نے دھرنے کی تیاریاں کرلی

کراچی(بولونیوز) پاکستان پیپلزپارٹی کی جانب سے سندھ میں پانی کی قلت اوربجلی کی لوڈشیڈنگ کے خلاف قومی شاہراہ پراحتجاجی دھرنے کی تیاریاں جاری ہیں جس سے پی پی کے مرکزی اور صوبائی قائدین خطاب کریں گے۔ایک نجی ٹی وی کی رپورٹ‌ کے مطابق ہٹڑی بائی پاس چوک پر کراچی، پنجاب، کے پی کے اوربلوچستان کوجانے والے راستے کو بلاک کیا جارہا ہے، واضح رہے کہ دھرنے کے لیے اسٹیج کی تیاریاں کرلی گئی ہیں۔ احتجاجی دھرنے کے لیے قومی شاہراہ پرہی قالینیں اوردریاں بچھائی جارہی ہیں۔ احتجاجی دھرنے کے لیے لوگوں کی آمد کا سلسلہ شروع ہو گیا ہے۔ پی پی کے کارکنان کی طرف سے ٹریفک کو بلاک کرنے کے سبب ٹریفک کی قطاریں لگنا شروع ہوگئیں ہیں۔ دھرنے کے مقام پر بڑے بڑے بینرز آویزاں کردیئے گئے ہیں۔ دھرنے کا آغاز کچھ دیر بعد ہو گا جس سے پاکستان پیپلز پارٹی کے مرکزی اور صوبائی رہنما خطاب کریں گے۔