میاں چنوں،ہتھوڑاگروپ سرگرم،دوبہنیں شدیدزخمی

میاں چنوں(بولونیوز) میاں چنوں میں ہتھوڑا گروپ دوبارہ سرگرم، نواحی گاؤں 19 ایٹ بی آر میں دو جواں سالہ بہنوں کے سروں پرنامعلوم افراد کا ہتھوڑے سے وار،دونوں بہنیں شدید زخمی حالت میں ہسپتال منتقل،علاقہ میں خوف وہراس پھیل گیا۔تفصیلات کے مطابق میاں چنوں کے نواحی علاقہ19 ایٹ بی آرمیں جواں سالہ دو بہنیں رخسانہ اور ریحانہ اپنے گھر میں سو رہیں تھی کہ اچانک نامعلوم افراد نے گھرمیں گھس کر دونوں بہنوں کے سر پر ہتھوڑے کے وار کردیے، جس سے دونوں بہنیں شدید زخمی ہوگئیں۔ایک نجی ٹی وی کی رپورٹ کے مطابق دونوں بہنوں کو تشویشناک حالت میں تلمبہ رورل ہیلتھ سنٹر پہنچایا گیا، جہاں موجود ڈاکٹروں نے انہیں نشتر ہسپتال ملتان ریفر کردیا۔ ہتھوڑا گروپ کی اس واردات کے بعد علاقہ میں خوف و ہراس پھیل گیا ہے۔