قومی اسمبلی، بچوں سے ذیادتی کیخلاف قانون سازی کی تیاریاں

اسلام آباد(بولونیوز) قومی اسمبلی کے اسپیکر سردار ایاز صادق نے بچوں سے زیادتی کے واقعات پر قانون سازی کیلئے اراکین سے تجاویز طلب کرلیں، تمام اراکین اس بات پرمتفق تھے کہ اس حوالے سے تمام جماعتوں کومل کراپنا کردارادا کرنا ہوگا۔تفصیلات کے مطابق قومی اسمبلی کا اجلاس سردار ایاز صادق کی صدارت منعقد ہوا، اس کے موقع پر قصور کی رہائشی ننھی زینب کے قتل کے واقعے پر اراکین نے اپنے گہرے رنج و غم کا اظہار کرتے ہوئے زینب کے لواحقین کو انصاف دینے کا مطالبہ کیا۔ایک نجی ٹی وی کی رپورٹ کے مطابق اجلاس سے خطاب کرتے ہوئے وزیرمملکت طلال چوہدری نے دعویٰ کیا کہ بہت جلد زینب کے قتل میں ملوث ملزمان تک پہنچ جائیں گے۔مریم اورنگزیب نے کہا کہ اس حوالے سے صوبائی حکومتیں بھی اپنا کردار ادا کریں۔واضح رہے اجلاس میں بچوں کے ساتھ زیادتی کے بڑھتے ہوئے واقعات پر تشویش کا اظہار کرتے ہوئے قانون سازی کیلئے اسپیکرقومی اسمبلی نےاراکین سے تجاویز طلب کرلیں۔اراکین کامؤقف تھا کہ تمام جماعتوں کو مل کرسخت قانون سازی کرنا ہوگی اورپولیس کو غیر سیاسی کرنا ہوگا۔واضح رہے کہ قصور واقعے پر پنجاب حکومت کے ترجمان ملک احمد خان نے دعویٰ کیا ہے کہ زینب قتل کیس کی تحقیقات کے دوران ملنے والے ثبوت کی بدولت ملزم کے قریب پہنچ چکے ہیں.انہوں نے کہا کہ ایک ہی علاقے میں اس طرح کے واقعات کا ہونا افسوسناک ہے،عوام کے سامنے واقعے کی تمام تر تفصیلات رکھیں گے۔