ماضی کی طرح ریڈیو اورٹی وی کوپروڈکشن کرناہوگی،راحت ملتانیکر

لاہور(بولو نیوز) گلوکارہ راحت ملتانیکرنے کہا کہ پاکستان میں موسیقی کے فروغ کیلئے ثقافتی اداروں کومتحرک ہونیکی ضرورت ہے ،اپنے وطن کانا م روشن کرنیوالے سینئرز کی خدمات حاصل کر نی چاہئیں۔ ایک نجی ٹی وی کی رپورٹ کے مطابق ایک بیان میں انکاکہناتھا ماضی کی طرح ریڈیو اورٹی وی کوپروڈکشن کرناہوگی ،وہ اپنے ملک کے گلوکاروں کو گھرمیں نہ بیٹھنے دیں بلکہ انکے فن سے استفادہ حاصل کریں۔ انہوں نے بتایا میں ان دنوں مختلف شوزمیں مصروف ہوں فیض میلہ ،ملتان آرٹس کونسل اورپیپلزپارٹی کے یوم تاسیس کے حوالے سے شوزمیں مجھے خصوصی طورپرمدعوکیاگیاجہاں شائقین نے میری پرفارمنس کوبہت سراہا۔