پاکستان کیلئے قربانیاں دوں گی، مجھے پہچان پاکستان سے ملی،ریحام خان

لاہور(بولو نیوز)معروف اینکرپرسن اورفلمسازریحام خان نے کہاہے کہ میں شادی نہیں کروں گی،زندگی ملک کی خدمت کیلئے وقف کردی ہے- ان خیالات کااظہارانہو ں نے نجی ٹی وی کے مقبول پروگرام مذاق رات میں کیا۔ریحام خان کاکہناتھا عورت کانام ہی قربانی ہے ۔ میں نے پہلے بھی قربانیاں دیں اوراب پاکستان کیلئے قربانیاں دوں گی۔ اپنی دھرتی ،ماں ہوتی ہے اور مجھے پہچان پاکستان سے ملی۔ وہ سینئراداکارامان اللہ ،افتخار ٹھاکر اورقیصرپیاکی مزاحیہ گفتگوسے بے حد مسرورہوئیں اورانہوں نے عائمہ بیگ اورمحسن عباس حیدرڈی جے کے گیتوں کوبھی پسندکیا۔واضح رہے کہ مذاق رات کے میزبان واسع چودھری اورپراجیکٹ ہیڈایوب خاورہیں۔