بہت جلد لال حویلی والے شیخ رشید کی جھوٹی سیاست کا پول کھل جائے گا،عابد شیر علی

اسلام آباد (بولو نیوز) وزیر مملکت برائے پانی و بجلی عابد شیر علی نے کہا ہے کہ آج سپریم کورٹ سے عمران خان اور شیخ رشید کی جھوٹ کی سیاست کا جنازہ نکلے گا ، عدالت سمجھے گی کہ اگر کیس میں کوئی جان نہیں تو وہ اس کیس کو اسی سماعت میں خارج کر دے گی ،ایک نجی ٹی وی کی رپورٹ کے مطابق سپریم کورٹ کے باہر میڈیا سے گفتگو کے دوران عابد شیر علی کا کہنا تھا کہ اپوزیشن کی جانب سے شروع کی گئی یہ جنگ جھوٹ اور سچ کی ہے ، جو سچ بولے گا وہ کامیاب ہوگا اور جو جھوٹ بولے گا اس کی جھوٹی سیاست کا سپریم کورٹ میں جنازہ نکلے گا ۔ عابد شیر علی نے ایک سوال کے جواب میں کہا کہ پاکستان تحریک انصاف کے چیئرمین عمران خان کا جھوٹ پوری قوم نے دیکھ لیا اور بہت جلد لال حویلی والے شیخ رشید کی جھوٹی سیاست کا پول بھی کھل جائے گا ۔